Äs isch 1998 wo ig  vo Windows ha Nase vou ka. Nid wäge dr Software. Da ha ig mi rächt guet uskennt. I ha vieune afa häufe bi de Installatione vo Soft- u Hardware u erläbt, dass i vieu Zyt i das gsteckt ha. Vermuetlich het mi erscht Kontakt mit em Macintosh während mine üK Fachlehrertätigkeit in Genf, mi zum Mac gfüehrt. 1998 mit em erschte iMac G3 u de neue Farbe u das ganz angere gfüheu vor Hard- u Software het mi nid los gla. I ha mir äbe denn, mi erscht iMac Blueberry choufft u mir sy hüt no Fründe. 3 Monet später "Küderschuffle" iBook G3 in orange. U vo denn ah isches jährlich witer gange. Highlight für mi isch sicher dr chouf im 2000 vom "Cube" mit Cinema Display 15". Dä isch hüt no i mim Museum u louft. "Tischlampe" iMac, iMac G3-G5, Power Mac G5, Macbook's u Macbook Pro's sy gsamlet. Irgeneinisch sy ja de da no di erschte iPhone G3 u iPad 1 u Uhre cho, u die hei mi o grad verfougt bis hüt. Bi de iPhone's ab G3, nume di grade Nummere isch mis Kredo. Vieu Gäud, vieu Freud...hüt isches chly ruhiger bi mir. Vielicht fäut haut o chly dr Steve ?